Variedá tinta de recímanu cilíndricu de 1 a 2 nales de compacidad media y pedúnculu bien curtiu. Les uves tinten forma esférica de color azul-negru, magaya non coloriada y ensin nengún sabor particular. La fueya adulta tien forma pentagonal-orbicular, con cinco lóbulos, de color verde mediu-escuru y pigmentación antociánica de los nervios principales tantu nel fexe como nel viesu. Senu peciolar superpuestu, en forma de V y ensin diente. Senos llaterales abiertos y poco fondos Ye conocida tamién como Albarín Negrín, Abarín Frances y na zona de Ibias como Tintu serodo.

Variedá negra de recímanu cilíndricu o cónicu y compactu de 2 a 4 nales, pedúnculu curtiu. Les uves tienes forma esférica de color azul-negru, magaya non coloriada y ensin nengún sabor particular. La fueya adulta tien llimbu orbicular, con cinco lóbulos; pigmentación antociánica nula o bien débil nos nervios principales tantu pol fexe como nel viesu. Senu peciolar con lóbulos superpuestos cola base en forma de V. Senos llaterales superiores abiertos de fondura media cola base xeneralmente en forma d’O; senos llaterales inferiores abiertos, poco fondos cola base en forma de V. Ye conocida como Carrasco o Carraquín.

Variedá negra de recímanu cilíndricu, ensin nales o dacuando xuna, bien compactu; pedúnculu curtiu. La baga tien forma llixeramente elipsoidal, de color coloráu violeta escuru, magaya non coloriada y ensin nengún sabor particular. La fueya adulta tien forma orbicular con cinco o siete lóbulos, de color verde mediu y ensin pigmentación antociánica de los nervios principales nel fexe y el viesu. Senu peciolar con lóbulos superpuestos y con forma de V. Senos llaterales superiores ya inferiores abiertos de fondura media o poco fonda cola forma de V.

Variedá negra de recímanu compactu con una o dos nales; pedúnculu curtiu. Bagues de forma esférica de color azul-negru, tamañu y color uniformes, magaya non coloriada y ensin nengún sabor particular. Fueya de llimbu pentagonal, con trés o cinco lóbulos, pigmentación antociánica nula nos nervios principales tantu nel fexe como nel viesu. Senu peciolar abiertu con base en forma de V. Senos llaterales superiores dacuando abiertos y otres vegaes zarraos, poco fondos con base en V. Senos llaterales inferiores abiertos y poco fondos con base en forma de V.