D.O.P. Cangas

EL VINU D´ASTURIAS

Denominación D´orixe Protexida Cangas

 

La tradición enolóxica de la fastera suroccidental d’Asturias vien del sieglu IX. Col surdir de los primeiros monasterios asturianos entamose una l.labranza que enguizó al mayor aprovechamiento de la fincabilidá, cincando la vide nuna parte d’esi terrén. La necesidá l.litúrxica d’esas comunidades fúi decisiva pa qu’espoxigara la viticultura.

Al escumienzu, la esplotación vitivinícola de xuro debío d’arramase por toa Asturias, pero col tiempu, la producción intensiva de vide arrequexose, estadiando no tarrén que taba al abel.lugu los montes ya más también al solano pa recibir las radiaciones solares, lo qu’esplica la concentración casi esclusiva de viñeos nel occidente de la rexón, coincidiendo colos fondos valles de los ríos Navia y Narcea.

Tres la fundación del monasteriu de San Xuan Bautista de Courias no sieglu XI, la superficie dedicada a viña espárdese, ya esti enclín caltiense fasta’l sieglu XIX. El viñéu d’aquel.la dómina yá presentaba muitu del xeitu que-y confier la singularidá que güei atopamos nél.

Alrodio l’anu 1850 las viñas asturianas, lo mesmo qu’el restu d’Europa, pasanun una de las súas mayores torgas cola apaición del Oidium, que fixo muitu mal nas collechas.

Na segunda metá del sieglu XIX los vinos asturianos entamaron a conocese pol esterior, gracias al esfuerzu de dalgunos estudiosos como José Francisco Uría o como Suarez Cantón. Esti postreiru, no anu 1870, ya tres de muitos trabayos, fúi quien a iguar un vinu de forma científica ya razonada consistente principalmiente en retrasar la vendimia, escoyer los recímanos ya facelo de forma correuta. La resultancia foi un productu con mención honorífica na Esposición Nacional de Madrid del 1873, ya diploma de 1ª clase na Esposición Provincial Asturiana del 1875.

Pero cuando tou pintaba que s’averaban meyores tiempos pa la viticultura, apaicienun na zona los primeiros casos de la tarrecible plaga, La Filoxera, que venía de los Estaos Xuníos ya chegóu a Europa al traviés d’Inglaterra. Viose en Cangas la primer vegada no 1889 y echóu atrás el cultivu de la vide, que según s’esprende de los datos del Ministeriu d’Agricultura, el viñéu asturianu pasóu d’una superficie de 5.493 hectáreas no 1858, a 1.903 en namás que 20 anos (1878).

Pa repul.lecer el sector, arrincánonse miles de cepas que fonun trocadas por del.las de las meyores variedades de la zona, ya que fonun enxertadas en patrones americanos más resistentes a la filoxera.

Pa con el.lo, la Diputación provincial instalóu en Courias ya más también en L.lumés viveiros d’esta clas de cepas, nos que con ayuda de téunicos franceses, entamar a enxertar variedaedes que deseguida s’arramaban ente los viticultores.

El Vinu d’Asturias, yía la esceición que confirma la riegla. El Principáu nun yera una comunidá vitivinícola al usu, pero atopóu nos Vinos de calidá de Cangas el xeitu d’una zona, d’unas variedaes y de unos vinos únicos ya con l.larga tradición.

Hestoría del vino de Cangas

CRONOLOXÍA

Principios del siglu XX
Col entamu’l sieglu XX vienu un surrutu de renovación de viñeos, de meyores ya nuevas bodegas, ya más tamién de percuru na feitura. Consecuencia d’el.lo, tornan los tiempos de gloria ya reconocencia internaciones ya nacionales, algamando premios como los ganaos pol vinu de González del Valle, medalla d’oru ya plata nas esposiciones de Burdeos, Angers, Ruan y Lugo. Tuvienun tamién gran reconocencia en Madrid, los vinos del Conde Toreno. Nesta dómina la superficie de viñéu n’Asturias según Rodríguez Navas (1904) yera de 1952 hectáreas.
Añu 1929
La socesión de bonas coyetas chevóu en 1929 a José Uría a pidir al Estáu la proteición del nome “Vino de Cangas”, acotando la rexón na que se faía. Pa con el.lo propunxo la redaición d’un reglamentu que prohibiera da-y al vinu un nome distinto al de la fastera na que fuera vendimiáu ya feitu.
Añu 1959
El 19 Xunu del 1959 una grandísima tona con piedra afaró gran parte de los viñeos cangueses y estrozó non solo la collecha d’esi añu, sinón tamién la producción de las trés colleches postreras. Foi l’entamu d’un descepe progresivu ya del abandonu de viñeos que s’enl.largaría fasta finales de sieglu. A la baxa rentabilidá y el minifundismo súmose la imposibilidá de mecanizar los l.labores y al altu costu de los salarios, amás a partir de los años sesenta desendolcose na zona l’actividá minera qu’emplegaba abondosa mano d’obra ya ufiertaba bonos salarios colos que nun competía’l trabayu nas viñas.
Década de los 90
Na década los 90 pa safase de la desapaición del viñéu y caltener un patrimoniu envidiable, fúndase l’Asociación de Productores ya Ellaboradores del Vinu de Cangas, entámense cursos ya xornadas de formación , ya pídese al Ministeriu d’Agricultura, Pesca ya Alimentación que faiga’l censu de viñeos pa la so inclusión no Rexistru vitícola comuñal.
Añu 2001
El 8 de xunu de 2001, el Boletín Oficial del Principáu d’Asturies publica la RESOLUCION de 25 de mayu de 2001, de la Conseyería de Mediu Rural y Pesca, pola que se reconoz la denominación “Vino de la tierra de Cangas” y establécense las normas que tienen de cumplir los vinos feitos na dicha contorna vitivinícola. Esta reconocencia asitia’l vinu de Cangas no grupu de Vinos de Mesa con Indicación Xeográfica.
Añu 2002
En Febreru del añu 2002 constitúyese’l primer Conseyu Regulador que va ser l’órganu xestor de la Denominación formáu por viticultores y el.laboradores.
Añu 2009

El 8 de xunu de 2009 El Ministeriu de Mediu Ambiente, Mediu Rural ya Marín asoleya’l Resolvimientu de 4 de mayu de 2009, de la Direición Xeneral d’Industria ya Mercaos Alimentarios, pola que se recueye el Resolvimientu de 19 de noviembre de 2008, de la Conseyería de Mediu Ambiente ya Desenvolvimientu Rural del Principáu d’Asturies, que reconoz la denominación «Vinu Calidable de Cangas» y apruébase el Reglamentu del vinu calidable de Cangas. El 12 d’avientu de 2008 asoléyase nel Diariu Oficial del Principáu d’Asturias.

Con esti resolvimientu’l Vinu Cangas sal alzáu a la categoría de Vinos Calidables Producíos en Rexones Determinaes (VCPRD), entra na calificación de vinos con Denominación d’Orixe Protexía acordies cona clasificación de la Unión Europea.

Nesti contestu d’evolución permanente y gran dinamismu, los VCPRD Vinu Calidable de Cangas dienon un nuevu puxu na gueta la calidá. L’aprobación de la nueva normativa que los rixe en 2008, introduz midías que deixan que el productor pueda anovar na viña ya na bodega. Una calidá entendida dende’l puntu de vista non solo del productor y ellaborador, sinón tamién del consumidor pa que los vinos respuendan a las sos miras.

Añu 2011
N’Agostu de 2011 el muérrganu xestor del Vinu Calidable de Cangas igua ya apurre pa la so tramitación el proyeutu de la Denominación d’Orixe Cangas.

Tipos de vinu y carautieristicas. EL VINU TINTO

VINU TINTO “Denominación D´orixe Protexida Cangas”

Los caldos, calificaos como Denominación D´orixe Protexida Cangas, amosan las cualidades organolépticas propias de los vinos tradicionales de la zona, tocantes a color, arume y sabor, con aspeutu nidiu, rel.lumante ya fayadizu equilibriu alcohol/acidez. 

Carauterísticas Analíticas

Graduación alcohólica volumétrica natural mínima: 10% Vol. Pa los tintos de «crianza», «reserva» y «gran reserva» la graduación alcohólica volumétrica adquirida mínima vei ser: 11% Vol.

Acidez total (espresada en gr/l d’ácidu tartárico): Vei tar entendida ente 4 gr/l y 8,5 gr/l. Acidez volátil (espresada en gr/l d’ácidu acético): Nun vei ser cimeru a 0,8 gr/l.

Pa los tintos de «crianza», «reserva» y «gran reserva» l’acidez volátil (espresada en gr/l d’ácidu acético): Máximu 1 gr/l hasta’l 11% Vol. y 0,06 gr/l per cada grau alcohólicu qu’entepase de 11% Vol. Anhídridu sulfuroso total (espresáu en mg./l): Máximu de 120 mg./l. Zúquiri reductores: Máximu de 5 gr/l.

Variedaes: Carrasquín, Verdejo negro, Albarín negro y Mencía.

Cualidades Organolépticas

Tintos jóvenes

  • Fase visual: Color rojo violáceo a rojo cereza.
  • Transparencia: Limpio y brillante.
  • Fase olfativa: Aromas intensos con series florales, frutales, minerales y a veces balsámicas y/o especiadas.
  • Fase gustativa: Fresco, sabroso y de equilibrado acidez.

Tintos de “Crianza”, “Reserva” y “Gran Reserva”

  • Fase visual: Color rojizos acordes con el período de envejecimiento en barricas de roble soportado por el vino, limpio brillante y sin partículas en suspensión.
  • Fase olfativa: Aromas francos, agradables e intensos y sin olores anormales.
  • Fase gustativa: Sabroso, equilibrado y con buena estructura.

Tipos de vinu y carautieristicas. EL VINU BLANCO

VINU BLANCO “Denominación D´orixe Protexida Cangas”

Los caldos, calificaos como Denominación D´orixe Protexida Cangas, amosan las cualidades organolépticas propias de los vinos tradicionales de la zona, tocantes a color, arume y sabor, con aspeutu nidiu, rel.lumante ya fayadizu equilibriu alcohol/acidez. 

Carauterísticas Analíticas

Graduación alcohólica volumétrica natural mínima: 9.5% Vol. Pa los tintos de «crianza», «reserva» y «gran reserva» la graduación alcohólica volumétrica adquirida mínima vei ser: 11% Vol. Acidez total (espresada en gr/l d’ácidu tartárico): Vei tar entendida ente 5 gr/l y 10 gr/l.

Acidez volátil (espresada en gr/l d’ácidu acético): Nun vei ser cimeru a 0,8 gr/l.

Pa los blancus de «crianza», «reserva» y «gran reserva» l’acidez volátil (espresada en gr/l d’ácidu acético): Máximu 1 gr/l hasta’l 11% Vol. y 0,06 gr/l per cada grau alcohólicu qu’entepase de 11% Vol. Anhídridu sulfuroso total (espresáu en mg./l): Máximu de 150 mg./l. Zúquiri reductores: Máximu de 5 gr/l.

Variedaes: albarín blanco, albillo, moscatel grano menudo, godello y blanca extra.

Cualidades Organolépticas

Fase visual: color amarillu verdoso.
Tresparencia: Nidiu ya rel.lumante.
Fase olfativa: Arumes intensos con series florales, frutales.
Fase gustativa: Frescu, sabrosu ya equilibráu d’acidez.

Los vinos blancu ya tintu tendrán de presentar las cualidaes organolépticas propias de los vinos tradicionales de la zona, teniendo en cuenta la evolución natural ya positivo de los mesmos, especialmente tocantes a color, tresparencia, arume ya sabor. Los que nun axunten tales carauterísticas nun van poder ser amparaos pola denominación « Denominación D´orixe Protexida Cangas »

Conseyu Regulador y Lexislación de "D.O.P. CANGAS"

El Conseyu Regulador de la denominación ye l’Organismu Oficial acreditáu para certificar qu’un vinu califícquese como “Denominación d’Orixe Protexida Cangas”.

VER

LA CONTRAETIQUETA

Para llograr esta etiqueta los vinos deben de cumplir una serie de requisitos reflexaos nel Reglamentu de la Denominación.

VER

Reglamentos del Vinu de "D.O.P. CANGAS"

Reconozse la denominación «Vieno calidable de Cangas» y apruébase el Reglamentu del vinu calidable de Cangas que tienen de cumplir los vinos ellaboraos en dicha contorna vitivinícola.

DESCARGAR

Se recomienda el consumo moderado de alcohol